2025 Urria 01

AGIPADen hitzaldiak eragin handia izan du DBH 3ko ikasleen artean

DBH 3ko ikasleek AGIPADen eskutik hitzaldi hezitzaile eta prebentiboa jaso dute. 1980an sortutako eta Donostian egoitza duen irabazi-asmorik gabeko elkartea da AGIPAD . Elkarteak droga kontsumo arazoen inguruko ikerketa, prebentzioa eta laguntza lantzen ditu, baita familien eta arriskuan dauden kolektiboen babesa ere. Saioan substantzien kontsumoaren ondorioak zuzenean pairatu dituzten pertsonak aritu dira hizlari. Haien testigantzek ikasleen artean inpaktu handia sortu dute. Jarduerak gogoeta egiteko aukera eman du, kontsumoaren arriskuez eta prebentzioaren garrantziaz. Irakasleek eta ikasleek esperientzia oso positibotzat jo dute. Ikastolak, horrela, balioen hezkuntzarekiko eta osasunarekiko konpromisoa sendotu du.

Gehiago irakurri...

2025 Urria 02

Familiarekin Jolasean programa Aieteko Haurtxokoan

Donostiako Udalak antolatutako "Familiarekin jolasean" programaren barruan urria, azaroa eta abenduko larunbatetan Aiete Haurtxokoan egingo diren jardueren informazioa esteka honetan helarazten dizuegu:  tailerrak, jolasak, ekintza bereziak, etab. Programa honen bitartez 5 eta 11 urte (HH5-LH5) bitarteko haurrek, gurasoek eta senideek ( 5 urte arteko anai-arrebak barne) elkarrekin jolastu ahal izango dute haurtxokoan, 17:00etatik 18:15era. Anima zaitezte!

Gehiago irakurri...

2025 Urria 06

Anai-arreben matrikulazioa

Lehendik ikastolan anai-arrebak dituzten eta 2024.urtean (2 urteko gelarako) edo 2014.urtean (DBH1. mailarako) jaiotako haurrentzat izena emateko epea irekita dago. Epe bakarra izango da, urriaren 6tik 13ra. Matrikula egiteko ekarri behar den dokumentazioa ondorengoa da: Familia liburuaren fotokopia (osoa) edo jaiotze erregistroa Gurasoen NANaren fotokopia Ikastolako sarrerako inprimakia eta datuen babeserako lege dokumentua beteta (idazkaritzan jaso ditzakezuena) Beste urteetan jaiotako anai-arreben matrikuletarako (batxilergorako izan ezik, epea aurrerago izango baita), jar zaitezte gurekin harremanetan. Edozein zalantza izanez gero, deitu idazkaritzara (943316066) goizeko 8:00etatik 17:30era.

Gehiago irakurri...

2025 Urria 10

Osasun Mentalaren Nazioarteko Eguna: beharrezko begirada ikasgeletan

Gaur, urriaren 10ean, Osasun Mentalaren Nazioarteko Eguna ospatzen da mundu osoan, pertsona guztien ongizate emozionala eta psikologikoa zaintzearen garrantzia gogorarazteko sortutako eguna. Aurten, inoiz baino gehiago, ospakizunak indar berezia hartzen du nerabeen bizitzetan, bereziki DBHko eta Batxilergoko ikasleen artean, egunero ikasketekin, harremanekin eta gizarteak eskatzen dizkien erronka berriekin bizitzen baitira. Sare sozialek, presio akademikoak, etorkizunaren inguruko ziurgabetasunak eta nerabezaroaren berezko aldaketek zuzenean eragiten diote gazteen ongizate emozionalari. Testuinguru honetan, ikasgeletan osasun mentalaz hitz egitea lehentasun bihurtzen da. Osasun Mentalaren Nazioarteko Egun honetan, mezua argia da: osasun mentala osasun fisikoa bezain garrantzitsua da. Antsietatearen, estresaren edo tristura luzearen seinaleak antzematea ez da ahultasunaren adierazle, baizik eta autozaintzara bideratutako urrats ausarta. Hezkuntza komunitate gisa, gaur, ingurune seguruak, inklusiboak eta solidarioak sortzearen garrantzia gogorarazten zaigu, ikasle bakoitzak ez bakarrik akademikoki, baizik eta pertsona gisa ere garatu ahal dadin.

Gehiago irakurri...

2025 Iraila 30

Parketarrak

Donostiako Udalak antolatzen duen Parketarren urriko txanda hastear dago, eta, berriz ere, auzoetako parkeetan euskaraz jolasean ongi pasatzeko aukera bikaina izango dugu. Beraz, animatu! Hementxe duzue auzoz auzoko egutegia eta informazio gehiago eskuratzeko lotura.

Gehiago irakurri...