Ikastolako ingurumen batzordeak gonbidatzen gaitu urtarrilaren 25ean, asteazkena, Greenpeaceko ordezkaria den Mario Rodríguez Vargasek Donostiako San Telmo Museoan 19:00etan eskainiko duen hitzaldira.

Hitzaldia Donostiako Udalak eta Cristina Enea Fundazioak, San Telmo Museoaren laguntzarekin, antolatzen duen Agora K2050 hitzaldi sortaren baitan kokatzen da.

Mario Rodriguez Vargasek Greenpeacek bultzatzen duen hiri-eredua aurkeztuko du, energiari dagokionez negutegi efektuko gasen isuririk gabeko eredua alegia. Berotze globalean garraioak eta hiriko mugikortasunak duten garrantziaz mintzatuko da: hiri metropolitar gune nagusietara gerturaketa.